• Skipaeftirlit
• Skoðunarhandbækur
• Leyfisveitingar
• Skipaskrá
• Hafnarríkiseftirlit
• Upplýsingar um kröfur til skipa

Skipaskrá

Öll skip sem eru 6 m að lengd eða lengri eru skráningarskyld, sbr. lög nr. 115/1985 um skráningu skipa. Siglingastofnun heldur aðalskipaskrá samkvæmt þessum lögum. Gefin er út heildarskrá miðað við  skráningu 1. janúar hvers árs. Frá árinu 2004 hefur skráin eingöngu verið gefin út á rafrænu formi og er hægt að nálgast hana á vefsíðu Siglingastofnunar sem pdf-skrá. 

Hinn 1. janúar 2007 voru samtals 2.309 skip á skipaskrá.

Í skránni er m.a. að finna upplýsingar um skráningarnúmer, umdæmisnúmer, kallmerki, fyrra nafn, heimahöfn, smíðastað, gerð, efni, afl vélar, vélartegund, rafspennu, brúttótonn og brúttórúmlestir, lengd, breidd og dýpt auk annarra upplýsinga. Framsetning upplýsinga er sú sama og í Skrá yfir íslensk skip og báta 2003. Hægt er að leita í skipaskránni með því að smella á Ctrl og F. Í Acrobat Find-kassann sem þá kemur upp er leitarorðið síðan skráð, t.d. nafn skips, skipaskrárnúmer o.s.frv.

Eldri eintök skipaskrárinnar er hægt er að kaupa hjá stofnuninni. Einnig er mögulegt að kaupa aðgang hjá SKÝRR þar sem hægt er að fá nýjustu upplýsingar á hverjum tíma. Dæmi um skráningu skips í skipaskrá árið 2004.