Undanþágur

Í undantekningartilfellum og þegar menn með tilskilin skírteini vantar til starfa getur Siglingastofnun Íslands, telji hún að öryggi mannslífa, eigna eða umhverfis verði ekki stefnt í hættu, veitt tilteknum manni undanþágu til að gegna stöðu á tilteknu skipi í tiltekinn tíma hafi hann ekki tilskilin réttindi. Undanþágu í umrædda stöðu má þó ekki veita lengur en til sex mánaða, enda sé viðkomandi að mati Siglingastofnunar Íslands hæfur til að annast starfið á öruggan hátt. Undanþáguna má aðeins veita þeim sem hefur skírteini til að gegna næstu lægri stöðu. Ef ekki er krafist skírteinis í næstu stöðu fyrir neðan má veita þeim undanþágu sem að mati Siglingastofnunar Íslands hefur til þess þekkingu og reynslu. Undanþágu má ekki veita til að gegna stöðu skipstjóra eða yfirvélstjóra nema í neyðartilvikum og þá aðeins í eins skamman tíma og unnt er. Siglingastofnun Íslands veitir undanþágu til starfa á farþega- og flutningaskipum, sjá 8. gr. laga nr. 76/2001 og 8. gr. rg. nr. 416/2003 ásamt IV. viðauka (farþega- og flutningaskip).
Undanþágunefnd veitir undanþágu til starfa á fiskiskipum og öðrum skipum en farþega- og flutningaskipum. Ákvörðun Siglingastofnunar og undanþágunefndar má vísa til samgönguráðuneytis. Sjá 14. gr. laga nr. 30/2007 og starfsreglur fyrir undanþágunefnd nr. 417/2003 (fiskiskip o.fl.)

Sækja um undanþágu til starfa á fiskiskipum
Vélstjórar í atvinnuleit - heimasíða VM
Skipstjórar og stýrimenn í atvinnuleit - heimasíða FFSÍ
Sækja um undanþágu til starfa á farþega- og flutningaskipum
Sækja um frest á öryggisfræðslu í Slysavarnaskóla sjómanna

Undanþágur

Leit