IMO
IMO, Alþjóðasiglingamálastofnunin, er ein af undirstofnunum Sameinuðu þjóðanna. IMO var stofnsett árið 1948. Ísland varð fullgildur aðili að stofnuninni árið 1960 og hefur tekið virkan þátt í starfseminni allar götur síðan. Meginmarkmið IMO allt frá stofnun hefur verið að tryggja öryggi á sjó og koma í veg fyrir mengun hafanna. Áherslur IMO hafa tekið nokkrum breytingum hin síðari ár og hefur áhersla á hinn mannlega þátt aukist, t.d. menntun og þjálfun skipstjórnarmanna.
Fyrirmynd IMO að hleðslu- og stöðugleikahandbók
Á 71. fundi siglingaöryggisnefndarinnar í maí 1999 var vakin athygli á nauðsyn þess að stjórnvöld og atvinnulífið fengju leiðbeiningar um gerð hleðslu- og stöðugleikahandbóka með samræmdu útliti og samþykktum hugtökum, skammstöfunum og táknum.
Siglingaöryggisnefndin samþykkti meðfylgjandi fyrirmynd að hleðslu- og stöðugleikahandbók. Hér má lesa íslenska þýðingu á ritinu.
Öryggisstjórnun
Fyrri hluti reglna um alþjóðaöryggisstjórnunarkerfi, ISM-kóðinn, fyrir öll farþegaskip í millilandasiglingum og búlkaskip og tankskip sem eru 500 brúttótonn eða stærri, gekk í gildi 1. júlí 1998. Frá og með júli 2002 tóku reglurnar einnig til allra annarra flutningaskipa. Samkvæmt Evrópureglum tóku ákvæði kóðans gildi fyrir ekjufarþegaskip í innanlandssiglingum, þar á meðal fyrir farþegaskipin Baldur og Herjólf, 1. júlí 1996. Íslenska þýðingu á kóðanum má lesa hér. Nánari umfjöllun um kóðann er m.a. að finna hér (enska).
Sjórán
Á 75. fundi siglingaöryggsnefndar IMO kom fram að tilkynnt var um 315 sjórán á fyrstu 10 mánuðum ársins 2002 sem er um 20% aukning miðað við sama tímabil árið áður. Í tengslum við sjórán á þessu tímabili voru 4 farþegar og 1 skipverji myrtur. 71 skipverji og 12 farþegar særðust og tilkynnt var um hvarf 2 skipverja og 4 heilla áhafna. Grein Ara Guðmundssonar um sjórán