Farbannsnefnd skipa
Í IV. kafla laga um eftirlit með skipum, nr. 47/2003 er fjallað um farbann. Eigi að leggja skipi úr höfn án þess að það hafi gild viðeigandi skírteini samkvæmt reglum samkvæmt ákvæðum alþjóðasamþykkta og/eða samnings um Evrópska efnahagssvæðið eða haffærisskírteini eða skip er annars óhaffært á gerð skal leggja farbann á það. Siglingamálastjóri getur lagt farbann á skip.
Farbannsnefnd var skipuð 1. maí 2004 til þriggja ára, þ.e. til 30. apríl 2007. Um nefndina er fjallað í 24. og 25. gr. laga um eftirlit með skipum nr. 47/2003. Farbannsnefnd fjallar um kærur sem útgerðarmaður skips eða skipstjóri senda nefndinni vegna farbanns sem siglingamálastjóri hefur lagt á skip. Allir nefndarmenn eru skipaðir án tilnefningar.
Í nefndinni eiga sæti:
Aðalmenn:
Ástríður S. Thorsteinsson, lögfræðingur, formaður
Sævar Harðarson, verkfræðingur
Benedikt E. Guðmundsson, skipaverkfræðingur
Guðjón Ármann Eyjólfsson, fyrrv. skólameistari
Björgvin Jóhannsson, fyrrv. skólameistari og tæknifræðingur
Varamenn:
Jónatan Sveinsson, hæstaréttarlögmaður
Pálmi Hlöðversson, framhaldsskólakennari
Ásgeir Guðnason, vélfræðingur
Auðunn Ágústsson, skipaverkfræðingur
Þorvaldur Guðmundsson, skipstjóri.