Útgáfa stofnunarinnar
Siglingastofnun leggur áherslu á markvissa miðlun upplýsinga. Vefur stofnunarinnar og fréttabréfið Til sjávar mynda kjarnann í upplýsingastarfseminni. Fréttabréfinu er dreift án endurgjalds til skráðra skipa og báta, útgerða, hafna, sveitarfélaga, alþingismanna, fyrirtækja, stofnana og einstaklinga. Í blaðinu eru greinar og fréttir um það helsta sem gerist á vettvangi stofnunarinnar. Öll tölublöð Til sjávar má lesa á vef Siglingastofnunar (pdf-útgáfa).
Siglingastofnun Íslands gefur að auki út ýmiss konar skýrslur á sviði hafnagerðar, rannsókna og þróunar, kynningbæklinga um stofnunina, fræðsluefni ýmiss konar um öryggismál og margt fleira. Lista yfir skýrslur og útgefið efni er að finna á síðunni Skýrslur o.fl. Þar er einnig hægt að nálgast rafræna útgáfu efnissins.